本文重點
陳偉霆（William）和余翠芝（Chita）昨日出席新城《飛躍校園2009》活動，William表示近日為纖體公司拍攝一輯赤裸上身、大晒44吋胸肌及「朱古力」腹肌的宣傳照，他大呻拍攝當日遭化妝師揶揄：「我同化妝師講，我個樣好殘，但佢就話最緊要個胸靚，我嬲到問佢，係咪以後淨係幫個胸化妝就得，唔使化個樣？」
William透露曾和家姐商量，因他是跳舞歌手，故打算為手、腳買六位數字保險，問到會否考慮為胸部買保險？他笑說：「我成副身家得七位數字，買咗手、腳保險，仲邊有錢買呀？不如贊助商幫我買啦！」此外，他表示緋聞女友Angelababy已返港，但對方尚未送生日禮物給他，故他欲透過本報向她「追討」。至於Chita則為出席頒獎禮而苦惱，因唱片公司要求她打扮性感，但她說：「我全身冇忽可露！」
張立基睇好做舞王
另外，張立基昨日出席《香港演藝人協會慶祝16週年聯歡餐會》，他表示因要照顧母親及朋友鼓勵，故打算回港。在眾多跳舞歌手新人中，張立基最欣賞William及狄易達：「如果William唔嫌我老，我都想同佢合作。」