早前被拍到與王秀琳（Mango）於上海夜蒲的黃曉明，昨晚以全新加盟代言人身份出席天梭錶於北京舉行的《明．滿．天下》發布會，與奧運劍擊金牌得主仲滿及台灣女星徐熙媛（大S）同場。提到與Mango夜會一事，他說：「好唔開心囉！好影響我聲譽，一件正常事寫到咁離譜！（點解要閃避？）唔係因為Mango，我平時都會閃避，唔想人知道我私生活，係誤會！我同Mango合作過，我哋咩都冇發生、好冤枉！（發展機會？）唔可能！（鍾意咩類型嘅女仔？）長頭髮同大眼睛，但近年覺得人品比外形更重要，要善良！」似在暗寸符合外形要求的Mango，人品並不合他要求。至於Mango前晚出席活動時則首次承認與富家子Homan Tandijono拍拖多年，但已分手一段時間，更強調分手與郭富城無關。