前日梁詠琪（GiGi）發高燒至102.8度，原定昨日往寧波出席張之亮執演的《肩上蝶》記者會亦延遲出發，雖證實並非患豬流感（H1N1甲型流感），但全身乏力的她氣若游絲地說：「發燒好辛苦，我個身熱到可以用嚟炒飯！」因GiGi不想「甩底」，故不理醫生勸告，今日啟程到寧波，臨行前還向Fans派定心丸：「我會帶齊啲藥去，加上有同事陪住我，大家唔使擔心！」
此外，GiGi早前到東京拍戲，順道參觀「100% Design」藝術展覽，她對各種奇形怪狀的藝術品嘖嘖稱奇：「真係大開眼界，參觀之後好想設立自己嘅品牌！」GiGi還買了一架單車，邊看地圖邊踏單車穿梭東京街頭欣賞藝術品，她說：「咁啱日本成個月都係設計月，所以每條街都有好多藝術品，我好享受一個人踩住單車自由自在咁欣賞！」