曾多次被發現與日本前國腳中田英壽約會的Amanda，早前又被目擊在巴黎飯敍。Amanda昨日身穿露肩裙，擔任法國首飾品牌Chatila模特兒，她表示計劃完成下月的工作便收爐，連續放假三個月，到巴黎跟甜品大師Jacques Genin學藝，故將與男友Christian分隔異地，令男友相當不放心，向她表明三個月內會去巴黎三次：「佢擔心我喺法國，因為次次去都出問題，所以話會每個月去巴黎一次。」

狂食發福

Amanda笑言在巴黎不時會惹來狂蜂浪蝶，有搭訕者更當Christian透明：「有我男朋友喺身邊，啲男仔都唔客氣，繼續溝我，男朋友行開咗，即刻有人上前，所以Christian要每個月嚟一次，都唔知佢係掛住我定係想Check住我。」她還透露在當地逛街時，多次遇到車上的男士向她大叫：「靚女！」難怪Amanda笑言每次返巴黎都自覺特別靚，更揚言要藉此令男友妒忌，免得他愈來愈懶花心思氹她。

此外，Amanda即場示範多套價值連城的鑽飾，身形明顯胖了不少的她，手臂顯得相當粗壯，她解釋因早前陪來港的爸爸四圍覓食所致。