26/11/2009

播放本新聞相關短片

Kelly怕開刀未諗再生

陳慧琳（Kelly）前晚着低胸裝主持又一城的聖誕亮燈儀式，提到將與囝囝「蝦餃仔」Chace共度首個聖誕，她說：「已經買咗聖誕老人衫仔畀佢，仲有準備聖誕樹同裝咗奶樽嘅襪仔，今年一定會係最難忘嘅聖誕！」談到蝦餃仔，她格外興奮，又說抱仔練到手瓜起！問到會否再次造人？她即激動地說：「生咗4個月咋！傷口未復原又劏？會死㗎我，好驚！」

Kelly否認今次活動袋90萬元酬勞，更透露產後身價不變，不過她曾打算為蝦餃仔推掉工作，卻表示毋須刻意陪老公：「我唔飲得，佢嫌我悶，寧願搵朋友！」