近日人氣高企的Jessica C.，雖然工作排得密密麻麻，但聖誕節已請假返芝加哥探親：「屋企好重視聖誕節！我哋係天主教徒，每年都會一齊慶祝，同埋一齊去教堂！」今次男友Sergio亦會同行，也是首次正式見家長：「Sergio同爹哋媽咪有喺電腦度傾過偈同見過面，不過未見過真人！佢哋都鍾意Sergio，話佢係個好男仔！」
今個聖誕節，將會是小情人第一個共度的聖誕，Jessica說：「之前要工作，今年終於可以一齊慶祝，好開心！（交換禮物？）會，我仲諗緊買咩送畀佢好！（你想收咩？）我需要一隻手錶，因為我冇手錶，成日問Sergio時間，如果我有手錶就唔使煩到佢！」
