Jessica C.

Jessica C.在短短4年火速升Cup，由A變C，近期頻頻着比堅尼，有次與陳豪同場還令對方硬晒軚，對於連番被質疑「打假波」，她堅稱咪咪無添加！通常胸大都是靠阿媽的優良遺傳，但她說：「我諗唔係，係遺傳爹哋基因多啲！」

解構：記者咁問都係想畀機會佢解圍，講靠阿媽遺傳咪合情合理，依家搞到愈解愈謎，真係捉晒蟲喎！

Chrissie

周秀娜（Chrissie）不介意以性感形象示人，最介意有把「鵝公喉」，早前有不少人找她出騷唱歌，都被她婉拒，但今個聖誕她將初試「牛」聲，獻唱葉玉卿首本名曲《擋不住的風情》，她直言受不住金錢誘惑：「個價錢真係好吸引，所以先決定接。」

解構：咁易受金錢引誘，唔怪得Chrissie性感無極限，若有富豪追求，唔知會唔會因為人家有錢，就飛甩男友呢？

李毓芬

有「小徐若瑄」之稱的台模李毓芬以32C美好身材攻港，向o靚模下戰書，提到最大勁敵周秀娜，她明寸對方連假想敵的資格也沒有：「哦！賣攬枕那位嘛！我們走的路線不同。」

解構：李毓芬此言一出，擺明同Chrissie劃清界線，兼明示性感都有高低檔之分。

岑潔儀

美少女廚神岑潔儀與陶喆一啜成名，但她最近想斬纜，並大爆對方冧女招：「佢好易同人Baby前Baby後，對個個女仔都好好，成日畀Advise人，令女仔崇拜佢！」

解構：冇人識嘅岑潔儀，依家總算令人有印象，不過佢似乎有啲「忘本」！加上冇人認佢係緋聞女友，學城城咁講，會唔會諗多咗？

熊黛林

終於等到郭富城派定心丸的熊黛林，近日在內地拍新片《花田囍事2010》，懶理形象食煙兼猜腳趾枚，她說：「悶吖嘛！我好少畀人睇！」

解構：冇城城喺身邊又真係幾悶，如果喺香港就可以攻城，依家咪惟有忍一忍玩住腳趾先囉！

趙碩之

趙碩之與羅凱珊（Kama）同場，身材勁爆的她以4吋深溝夾擊Kama，俯身亮燈搶盡「峰」頭，事後她澄清並非博搶鏡：「唔想浪費大會心思，所以Keep住個甫士配合。」

解構：趙碩之咁講無非係證明冇逼走B Cup嘅Kama，只係大會為佢花心思。