梁詠琪（GiGi）和楊洛婷昨日出席手錶品牌Blancpain中環全新旗艦店開幕，身穿Escada Cruise 2010紅色裙的GiGi，獲大會安排乘坐林寶堅尼跑車出場，別具氣派。GiGi主持剪綵儀式後，為兩隻醒獅點睛，品牌還送上兩隻名錶給她。

GiGi坐林寶堅尼出場，盡顯氣派。

楊洛婷悉心打扮，擔任大會司儀。

GiGi坦言投資的項目不多，主要是手錶、珠寶及物業，但具體數目則要問家人：「我有儲錶嘅習慣，收藏約20幾隻手錶，最貴價值幾十萬，全部都放喺屋企嘅保險箱，如果有事，就第一時間帶埋啲錶走人。（手錶升值幾多？）我冇研究，依家樓價有啲貴，所以買錶好啲。」她表示太名貴的手錶，一年也未必有機會佩戴，因擔心遺失。而GiGi收過最名貴的手錶是奪得傑青時由廣告商送贈，價值數十萬元：「每次見到隻錶就會諗起攞獎，真係好開心！但我最近忙出埠拍戲，好少掂我啲寶貝。」

忙出埠拍戲

GiGi透露最近忙於拍攝電影《肩上蝶》，主要在北京及日本取景，故經常不在港，問到男友有否投訴？她說：「唔會，我多工作，佢都開心，大家都忙，要兩個人互相協調。（送咩聖誕禮物畀男友？）如果佢唔介意戴女裝錶，我可以將手上隻錶送畀佢，送錶都幾好，等佢成日戴住。」