黎耀祥近日頻頻亮相活動爭取曝光，不過人紅招是非，有消息指祥仔曾離婚，現任太太Julia當年更以情信展開攻勢，又指自離婚後，祥仔對前妻不聞不問。

對於種種傳聞，祥仔昨日大方回應，表示「結過婚」是事實，過往亦曾於訪問中提及，從來沒有隱瞞，反而對於太太Julia被形容身材惹火感到好笑：「佢都叫惹火，咁廖碧兒算係咩？好得意囉！」祥仔承認Julia的出現，的確加速他與前妻離婚的決定：「識我依家太太嗰時的確未離婚，但如果同太太（指前妻）冇問題，點可以發生第三者呢件事？感情事係咁，我對前妻有歉意，係我呢生人最對唔住嘅女人。」自與前妻離婚後，祥仔因不想打擾對方生活，故雙方從未有聯絡。對於負面報道，祥仔坦言不介意，亦不擔心影響形象：「如果因為離過婚唔鍾意我，都冇辦法，但唯一最令我動氣嘅，就係講我去世嘅媽媽，雖然離婚嗰陣佢好嬲，但後來都畀Julia打動，所以媽媽臨死之前，婆媳關係好融洽，（報道）咁樣屈一個死人就不必啦！」

無損揀戰衣心情

而Julia對於「第三者」之名，亦如祥仔般睇得開：「見張相咁大就知老公好紅啦！總之祥仔當年係離婚之後先同我發展，我冇搶人老公！」未受報道影響心情，昨日夫婦二人還忙着到EVISU為祥仔揀選出席台慶頒獎禮的「戰衣」，並到ifc選購名貴手錶，於今年有好成績，祥仔說：「其實我已經送咗套音響獎勵自己。」