昨日佘詩曼出席商場的聖誕亮燈儀式，席間有戴住鄭嘉穎、陳豪及黎耀祥面具的男士分別送花、后冠及獎座，但阿佘拒揀「嘉穎的花」，寧要「陳豪的后冠」，她解釋：「個劇咁Hit，梗係揀皇上啦！而且我想再嘗戴后冠嘅滋味！」對於獲大會以「準視后」形容，她笑言大會可能想寫『準時』而已，而她亦對獎項隨緣。
另外，阿佘透露將與陳豪、嘉穎及楊怡夾份宴請《宮心計》的台前幕後，問到會否將飯局當做台慶頒獎禮的慶功宴，她說：「咁要叫埋雯女（鄧萃雯）、阿靚（袁詠儀），都唔知邊個攞（視后）！」而她前晚亦為新劇《天與地》拍醉倒樓梯的戲份。此外，《宮心計》上周收視35點，廣管局收獲一宗投訴指劇情恐怖，而《活著》則接獲三宗投訴，指土著的裸露鏡頭不雅及原始生活兇殘，令人不安。