鍾舒漫（Sherman）的開工袋是充滿童真的Little Twin Stars圖案，她笑說：「其實呢個係餐盒袋，有保暖同儲冷功能，但我覺得佢個Size好啱用，所以當開工袋！」打開包包，除發現豹紋銀包外，還有另一個化妝袋，裏面塞滿Sherman的必需品，包括眼線筆、面油紙、眼藥水、迷你手霜、大大盒遮瑕膏及唇彩等，可謂包羅萬有。
Sherman特別推介一盒15色遮瑕膏，雖然價值逾500元，但她仍覺得非常抵用：「單色遮瑕膏，細細盒都要二百幾蚊，而且15隻色齊晒喎！同埋呢隻遮瑕膏咩瑕疵都遮到，可以成身用，有時我貪方便會當埋粉底用，好自然。」可惜這盒「精品」是其好友江若琳化妝師的化妝學校出品，並非隨街可以買到。至於眼線筆方面，她偏愛防汗、防水的液體眼線，她說：「呢支眼線筆唔會化成熊貓眼，同埋我冇畫眼線就冇咗對眼，所以一定要帶喺身。」
