黎耀祥奪視帝的呼聲高唱入雲，昨日他出席心晴行動的活動時，獲主席林建明稱呼做視帝，祥仔見商場內的市民拍手歡呼，即大玩「高層」二字，他大叫：「高層啲人唔拍手我冇獎攞！」
祥仔表示入行20多年，亦曾有情緒問題，令他想過退出娛樂圈，後來認清目標，知道拍戲是生命中重要的事，掌握方向後便不會迷失。他繼金句「人生有幾多個十年」後，即場再自度新金句「做事認真、做人求其」，贏得全場掌聲。
問到會否簽約做無綫親生仔？祥仔說：「三個月前已經拒絕咗，我覺得依家簽約，唔係成熟時機，其實我興趣不大，話晒我有客路，如果簽經理人，個客搵我做嘢會好轉折。（唔簽咪冇獎？）唔覺得，我都係無綫合約藝員，無綫係大機構，每年幾十億生意，點會為咗賺唔到我少少佣而同我計。（信心？）有！我套《巾幗梟雄》係今年節目巡禮都仲出緊，代表仲OK啦！」