鄧紫棋（G.E.M.）前晚假Star Hall舉行處女個唱《G.E.M. 18 LIVE 2009》，吸引莊思敏和江若琳等捧場。收身成功的G.E.M.換上多套靚衫，除演繹陳奕迅的歌曲及英文歌外，又坐在琴上及與Dancer跳熱舞，但因觀眾多小朋友而反應麻麻，她說：「嘩！我講完嘢就Dead Air？畀啲反應同歡呼聲啦！」而台上亦播出她九歲錄廣告歌的相片。
G.E.M.邀請側田任演唱會嘉賓，光頭的他戴頭巾出場，學G.E.M.扮「金魚嘴」，竟多次搣她面頰，歌迷即講笑大叫說：「側田，你唔好抽水喎！」尷尬的側田扮猩猩放笑彈，其後他獨唱《30日》時更一時失手走音。對於側田搣面珠，G.E.M.否認被「抽水」：「唔會，佢同我玩啫！（佢走音？）我換緊衫，但聽落又唔覺得喎！」問到圈外前男友Aaron有否到場，她澄清兩人是朋友。
