莊思敏前晚與女友人捧G.E.M.場，對於周秀娜（Chrissie）聲言影月曆影到「硬晒軚」，她認為行為「過激」：「做Model又唔會去到咁性感囉！真係好激！（畀你會唔會咁做？）睇吓為乜啦！為慈善或者會考慮，如果淨係為賺錢就唔會喇！咁核突，得幾條絲帶遮住。（覺得Chrissie搞Cheap個市？）佢嘅工作範疇已經唔同咗，發展電影界，接納尺度大啲。（激過艷星？）如果以以前嘅角度去睇，佢仲激過艷星。（阻止男友吳浩康買佢嘅月曆？）唔使買，我返公司攞畀佢睇。（怕佢睇完叫你咁影？）唔會。」