林峯昨日出席相機活動時表示，稍後籌備國語碟，主攻內地巿場，更透露下周到拉斯維加斯登台、聖誕節到馬來西亞登台，在當地過首個溫暖的聖誕。而剛客串完電影《72家租客》的他說：「戲內我飾演張學友嘅年輕版，佢都好滿意，但側田喺戲中有一個戴長假髮嘅造型，真係好搞笑！因為根本冇人認得佢。」談及視帝視后競爭激烈，林峯表示會支持鄧萃雯及黎耀祥：「咁啱自己只係有睇《巾幗梟雄》，而且個編劇係同《家好月圓》一樣，所以捧場。」