小小So聽聞啤梨(葉文輝)同埋狄易達、EO2走去參加三項鐵人賽,諗極都諗唔明,達仔、EO2就話平時跳開舞、玩開運動,因乜解究連平時斯斯文文嘅啤梨都玩埋一份呀?咁啱撞見啤梨,就即刻問吓佢,啤梨話嗰日除咗玩三項鐵人之外,第二日仲去埋澳門玩長跑添!
啤 梨:三項鐵人都頂得住,我負責單車嗰Part。去到澳門先大件事,跑成6公里。
小小So:嘩!咁激?
啤 梨:咪係囉!跑到一半想嘔添呀!真係靠意志力撐落去㗎咋!
小小So:有冇跑包尾先?
啤 梨:咁又冇!我都係慢過Eddie(EO2成員)半分鐘左右。
小小So:真係超額完成喇!
啤 梨:係啦!平時少運動,直情係零運動添呀!呢次之後,真係要的起心肝做多啲運動!