薛凱琪預計有排單身

被指甩拖的薛凱琪前晚出席《Pump20周年活動》，她表示未有時間為樂壇頒獎禮揀戰衣：「我兩年冇參加頒獎禮喇！今年再參加好開心！我啱啱喺橫店拍完戲返嚟，所以未有時間揀衫。嗰邊嘅溫差雖然大，但唔使埋位就同啲雞、牛、羊玩，擁抱大自然！」她還透露計劃明年初放假去旅行，被取笑現時單身沒有伴時，她即瞪大眼睛說：「單身唔可以去旅行嘅咩？咁我咪有排冇得去？」

另一嘉賓諸葛梓岐則晒幸福，指男友安排與她到澳洲或夏威夷度過火辣聖誕。提到周秀娜推出性感年曆，她耍手擰頭說：「我怕凍同唔會着比堅尼。」