張敬軒前晚出席音樂會時自爆家中菲傭懷疑「走佬」，他說：「個菲傭仲有兩個月就做滿兩年，我知佢有拍拖，但有日發現佢兩日冇返屋企瞓，打開佢個衣櫃發現冇晒啲衫，先知佢走咗！」軒仔表示已即時報警，但因當對方是家人一樣，故不打算追究：「我有為呢件事喊，最心噏係見隻狗敲佢房門，因為個菲傭主要幫我湊隻狗！」
記者即問為何不邀請擁有菲律賓血統的關智斌做其「斌佬」？軒仔聞言即笑說：「關佢咩事啫！唔得，太敏感喇！若果第日溝通唔到，都可以搵佢做翻譯！」而林海峰得知軒仔的菲傭「走佬」則笑說：「我都預咗個女有日會畀人，我夠粒聲唔出攞咗人哋個女！」
