前晚o靚模鍾蕙芝（Lavina）以開胸女教官造型，出席動畫電影《福音戰士新劇場版：破》首映，同場還有Rainbow及Monique等。Lavina的性感造型吸引不少龍友到場，她還收到男Fans送上名貴零食及鮮花，氹得她高呼「好嘢」。Lavina笑言自己與片中女教官同是「乾物女」（宅女），平日在家中不顧儀容兼不懂清潔打掃：「哎呀！我依家有學煮飯㗎！」
提到新一輪寫真戰，周秀娜曾表示真空上陣，Lavina即自爆同樣半裸迎戰：「我都冇打底㗎！只係貼咗乳貼！對攝影師好有信心！自己都好鍾意佢嘅作品。（係邊個？）暫時唔公布得住！（點解會肯咁影？）入行都一段時間，所以想試新嘢。」
