22/11/2009

播放本新聞相關短片

欣宜靠畫畫踢走壓力

鄭欣宜有份為《天堂家書及詩畫比賽頒獎禮》任評審，昨日她大讚比賽作品令人感動，她亦睇到喊：「參賽者透過寫作打開內心世界，每個作品都好有Heart，我覺得遇到不快事，都唔好抑壓，當時媽咪過身，我用錯方法，搞到好抑壓，出街笑晒，但返到屋企就匿埋喊。（點走返出嚟？）同陳茵媺一齊畫畫，我開頭用色都好灰，之後先多啲色彩，我覺得畫畫都係治療嘅一種。」並指有心事會找信得過的人傾訴，包括男友。