戚美珍（三嫂）做了三哥苗僑偉背後的女人多年，一直全心全意為家庭為子女，戲癮從未發作：「要照顧兩個仔女，根本冇時間睇電視，就算睇都係陪佢哋睇資訊性節目，所以從來冇諗過要再拍戲，到三哥復出留意番啲娛樂新聞，至閃過拍劇念頭。」不過當時三嫂卻是譚詠麟口中的「何文田肥珍」，體重達一百七十磅，她坦言未敢多想：「我一向冇諗過要減肥，後來都係因為健康問題，膝頭軟骨受損至減。」

戚美珍很開心對演戲有新體驗，更可以真正融入角色。

戚美珍強調人生毋須多盤算。

頒獎禮當遊戲

成功瘦身，子女又長大到了外國讀書，有齊復出條件，此時合適的劇本也就出現面前，順理成章地復出了，所以她強調人生毋須盤算，只可以定下目標。

「重操故業」的三嫂，需要一段時間才習慣下來，很快便上了軌道，她很開心有新體驗：「以前真係演戲咁『演』，好表面，但依家人大咗多咗閱歷，真正融入到角色中，好過癮，係差少少，畀人話我多皺紋，效果唔夠完美。（會再拍？）唔知，短期內唔會，有好劇本先啦！」

問到頒獎禮的睇法，三嫂說：「遊戲嚟啫！但都係對專業演員嘅鼓勵，係讚賞，我唔會強求，平常心啦！因為太多因素，最緊要做好自己。」