立志成為專業模特兒的岑潔儀（Zoey），平日予人形象性感，不過現實中卻愛斯文打扮：「我做得Model，梗係想咩衫都Handle到啦！不過我鍾意斯文同Casual Look多啲，唔使成日驚住走光！」曾有不少幕前演出經驗的Zoey，對於在《同事三分親》及《畢打自己人》中連環飾演秘書，她笑謂「正中下懷」：「細個喺電視睇到啲秘書小姐，全部又靚又斯文，仲有個好能幹同錫佢嘅上司，所以好羨慕，好想試吓做個俏秘書。不過大個咗因為誤打誤撞入咗呢行，做唔到秘書，所以好多謝TVB畀機會我飾演秘書，等我滿足吓童年夢想。」