20/11/2009

播放本新聞相關短片

陶大宇連贏六場捧盃

本文重點
陶大宇早前參加球會舉辦的「評分賽」,在六十多名高手中,連贏六場,贏得總冠軍,他接過獎盃一刻,高興得開香檳慶祝。

陶大宇熱愛桌球二十多年,做演員後沒有再玩,直至最近五、六年,他才重拾Q棍,早前代表球會出戰公開賽,並贏得總冠軍,也算有所交代,他更感觸表示,希望香港能振興桌球這個運動,摒棄舊有的觀念,認為「波樓」是不正經的地方。

公開賽中「高手」雲集,集六十多名業餘球手,不過大宇今次勝出,一眾球壇發燒友均稱是意料中事。論大宇在桌球壇上的「戰績」,據討論區上的發燒友稱,大宇雖非最好波,但可以贏到很多人,更曾經跟香港首席桌球手傅家俊切磋球技,娛樂圈中未逢敵手。

訂製私家Q

對於一班同道中人所言,大宇認為太誇獎:「其實今次對手都好強,我喺球會屬『中班』,6場中經過5盤3勝而贏出,都唔容易。(發揮得好唔好?)臨場發揮好講當時心情,又有唔同嘅壓力,不過,比賽係經驗累積番嚟!(過往練波試過幾多分?)我試過一Q打70幾分。(同Q棍有冇關?)Q棍喺外國製造,對亞洲人嚟講可能過長同過重,打起上嚟當然會影響發揮,我早兩年花咗三千幾蚊,訂咗一支私家Q,仲刻咗自己個名上去,貪得意。(偶像係邊位?)當然係世界冠軍奧蘇里雲啦!」

影視組