日前推出最新EP《Transformer》的許懷欣（Ryan）表示，最難忘是到廣州一個不開放的空置機場拍攝唱片封套。原本沒有想過到廣州取景的他，有次在當地登台時，順道與朋友四出觀光，因而對這個舊機場一見鍾情。他說：「我覺得呢度好有Feel，好似拍緊電影《Top Gun》咁！但我唔係機師，係歌手，我覺得拍到有雄風嘅感覺！」他又感激朋友充當免費導遊：「因為張碟係自資，我冇乜錢，依家呢個咁靚嘅場地係免費，我可以慳番一筆錢！」由於拍攝當天天氣炎熱，加上拍攝場地空曠，令Ryan熱得汗流浹背，慘變「水人」，幸好髮型師帶備風筒為他吹乾頭髮。