李蘊、劉欣宜（Miyoko）及可嵐等年輕歌手日前為青年電台uChannel一周年音樂會演出，擁有E Cup上圍的Miyoko當日突然「封胸」，令一眾「龍友」大失所望。幸好她演唱蔡依林的快歌時不斷扭動纖腰，為她挽回不少分數。Miyoko表示明年會以唱跳歌手身份推出新歌：「我會視蔡依林為榜樣，希望成績可以同佢一樣咁好！（收起性感？）唔會！最緊要係美感，可能下年會更加性感呢！」

李蘊今年會缺席頒獎禮，將機會讓給其他新人。

可嵐（左）及Kellyjackie齊齊獻唱。

可嵐收警告信呻慘

至於多年前以組合Cream進身樂壇的李蘊透露，今年不會參加任何頒獎禮：「我同公司商量咗，因為Cream嗰陣已經攞過獎，希望畀多啲機會其他人！加上年底有好多工作，難得有賺錢機會，所以要取捨！」

另外，戴住護手石膏的可嵐表示，車禍令其新歌押後推出，但最令她莫名其妙的是收到警方的警告信，指她不小心橫過馬路，她說：「我當日帶住隻狗去睇醫生，只係諗住截的士，點知被車車親！咁都畀人警告，真係慘！」