有「小張惠妹」之稱的樂壇新人羅藍亞（Lana），獲06年第46屆亞太影展最佳音樂獎的音樂大師鮑比達力捧，為她炮製多聲道專輯，因在美國長大，Lana的英語、廣東話、普通話和韓文了得，擅長製作靚聲發燒碟，專輯《期待》大玩曲風，少不了最愛的騷靈音樂，她說：「好鍾意澎湃感情演繹嘅音樂，所以鍾情騷靈音樂！（被指貌似陳法拉？）驚佢唔開心！」她似乎較喜歡「小張惠妹」的稱號。
近年不少本地歌手唱Live不夠穩定，被批評欠實力，Lana揚言最愛唱Live：「每次唱Live，因為自己嘅情緒、台下觀眾嘅反應同樂隊嘅合作，引發出唔同嘅化學作用。而且有Live Band一齊玩，我會更投入。」
