早前「八模兵團」到上海行時裝騷，因當地天氣受寒流影響，氣溫降至10度以下，令一向愛穿短裙和熱褲的A. Lin（裴殷），不幸意外見「紅」，她說：「第一日由香港出發都未知會咁凍，依然貪靚照着短裙，但去到就知死，一落機就Feel到對腳又凍又乾，於是喺跑緊入酒店大門嘅時候就『嘭』一聲撞親個鼻，初時都只係即刻腫咗，但第二晚食食吓嘢就流鼻血，好彩之後都冇咩事。」A. Lin還笑言鼻子沒有移位，可證明早前她的整容疑雲是假的。

A. Lin早前與八模兵團成員到上海行騷，其後出席慶功宴。 資料圖片	A. Lin穿短裙抗寒風，認真貪靚！	A. Lin表示因粉絲未有跟到上海，令她大感囉囉攣！

冇Fans跟囉囉攣

首次到內地行騷的A. Lin坦言，很多Fans到機場送行，但Fans沒有跟到上海，大感不習慣：「喺香港出騷，每次都有成班Fans跟住吶喊，畀我好大鼓勵，去到上海雖然好多人圍觀，但冇佢哋喺度，我有啲唔慣，個心仲囉囉攣添！」