日前沈卓盈與馬賽分別為徐淑敏（Suki）擔任伴娘及姊妹，二人被幸福氣氛感染，急不及待將拍下的靚相放於Blog內分享。沈卓盈首次任伴娘，雖然要照顧大肚新娘，但她坦言壓力不大：「我要最早到酒店，跟足Suki化妝、整頭同玩遊戲嘅，夜晚係最遲走嗰個，所以都幾攰，Suki向來都大頭蝦，佢依家又好易攰，所以我都盡量叫佢小心啲，不過最緊要係開心。」她更直認恨嫁：「希望自己將來都可以嫁得好，見到佢宣誓嗰刻真係好感動。」
至於馬賽亦是首次參加朋友婚禮，笑言興奮得發夢亦夢見Suki：「做姊妹冇我想像中咁輕鬆，一個完美嘅婚禮，真係需要好多精細嘅安排，考慮少啲都唔得。」