陳茵媺（Aimee）及鄭欣宜因拍劇成為老友，同在外國長大的兩人向來「鬼聲鬼氣」，故一起趁拍劇惡補中文。日前齊齊錄影崔建邦主持的節目《MY NAME IS 邦》，欣宜笑說：「我以前成日覺得King係皇上，咁Queen點解唔係皇下呢？其實都好有邏輯吖！但就完全錯晒。」Aimee則自言參選香港小姐後即順理成章加入TVB，公司亦對她很好，除讓她做司儀外，更可以拍劇，現時愈做愈開心。至於欣宜表示因家庭環境關係，自小已經常在人前表演：「自細就好鍾意整High大家，兩歲開始，媽咪就好鍾意擺我喺食飯枱中間轉盤表演，啲Uncle、Auntie睇得愈High，我就愈開心，我鍾意人哋開心多過人哋鍾意我。」