20/11/2009

播放本新聞相關短片

周柏豪與鍾浠文有機會發展

本文重點
周柏豪日前生日,緋聞模特兒女友鍾浠文在網上祝他生日快樂,問到感情是否更好?他說:「擺多啲心機就有機會!」

周柏豪早前被本報獨家拍到與有「翻版徐子淇」之稱的模特兒鍾浠文(Zelia)拍拖撐枱腳,適逢日前柏豪25歲生日,他出席歌迷會舉行的生日派對,並特別帶上生日蛋糕帽與Fans大玩遊戲,問到緋聞女友Zelia有否送生日禮物?他說:「佢只係喺MSN度祝賀我,冇送禮物,話遲啲約我食飯喎!」問到最難忘的生日,柏豪說:「以前同女朋友喺屋企整生日蛋糕,不過搞到好糟糕。(同女友感情一樣糟糕?)都可以咁講。」事業得意的他被問到有否寄望感情?他說:「專注事業先。(Zelia冇機會?)擺多啲心機就有機會,不過依家嘅心機都喺工作上。」並表明沒有任何人比工作更重要。

籲歌迷捐錢

熱愛攝影的柏豪收到歌迷送上的Cup Cake相機蛋糕,令他極度興奮地說:「嘩!好靚呀!」問到是否收到很多歌迷禮物?他說:「冇呀!因為我唔想佢哋嘥錢,建議佢哋集齊啲錢捐咗佢。」鬼馬的柏豪更在巨型支票的銀碼位置寫上「盡我們所能」。

音樂組