已做了四年模特兒的蔡靜雯（Mandy），早前先後參演衞蘭及孫耀威的MV，又曾演出英皇電影《証人》及《保持通話》等。現時o靚模當道，問到可想成為第二個周秀娜？Mandy說：「依家真係好多女仔，影過一、兩次相就話係Model，好多人為咗入娛樂圈犧牲好多嘢，但係我唔會，我鍾意靠自己！（有傳o靚模援交？）呢個圈係有黑暗一面，不過唔係人人都係咁，好似Yumi（尹蓁晞）咁，之前做嘢見過佢，我唔信佢會做援交，反而覺得佢好靚、好文靜，仲覺得佢可能太靜先令機會溜走！」
Mandy坦言喜歡演戲，但從未想過做明星：「我擔心只係霎眼嬌嘅話點算？所以只要有份拍戲，就算戲份唔多，都會畀心機鑽研。（刻意搶鏡？）唔會，要留意自然會留意到，唔需要做咁多！」
