早前狄易達為旅行社拍廣告，初次拍攝廣告的他酬勞即達六位數字，令他心情甚為緊張，他說：「諗緊用咩方式演繹，究竟要好正經定係活潑啲呢？所以都有做足功課！」廣告中，他將有多個不同造型，以凸顯四季不同感覺，達仔說：「影相嗰部分，要喺彈床不斷跳五個鐘，影到好攰。」稍後達仔將到日本介紹當地資訊，從未到日本旅遊的達仔說：「唔會諗住買太多嘢，希望去感受吓當地跳舞文化，想去地下舞街鬥舞。」達仔本身舞技精湛，希望挑戰當地「舞王」，藉此學習對方長處。