昨日Jessica繼續性感與鈴木仁出席Nokia手機活動，對於豐滿上圍被以「警鐘胸」來形容，她笑說：「都幾似㗎！呢個形容好得意，冇話鍾唔鍾意。」談到周秀娜及鍾蕙芝推出性感年曆，再爆發一輪胸戰，她冷淡表示無意跟風加入，明顯與o靚模劃清界線：「我唔想大家嘅焦點放喺我身材上，亦冇諗過要出寫真。（覺得拍性感年曆低俗？）視乎唔同人嘅Style。」自言沒有看過周秀娜性感年曆相的Jessica，好奇地反問記者：「係咪好Nice？」隨後即讚對方：「佢係好有身材。」

拒以情慾短訊冧仔

人氣冒升令工作量大增，Jessica現時幾乎每日都有工作，她也直認酬勞的確有增加，更表示目標是做業主：「我有兩個妹妹，希望先為屋企人喺美國買一間有五間房嘅大屋，大概要40至50萬美金（約310萬至390萬港元）。」她自知見報率高，但只想努力工作賺錢，沒有想過要大紅大紫。

雖然工作密麻麻，但未有影響她與男友Sergio的感情，Jessica甜絲絲自爆每日會以短訊向男友報告行蹤和心情，但否認會Send情慾短訊。