20/11/2009

播放本新聞相關短片

Lynn胸有「城」竹變開籠雀

隨着「城嫂」地位明朗化,熊黛林(Lynn)昨日提起城城時不像以往般有口難言,更有問必答,態度180度轉變。

熊黛林、姚予晴及王敏德昨日出席國際金融中心舉行的《夢.飛翔》全港最大室內巨型聖誕飛船的亮燈啟航儀式,着上Escada藍色低胸晚裝裙的Lynn春風滿面,Lynn指聖誕還未有任何計劃,問到會否與城城一起過?她說:「未知,工作第一。(同城城過第幾個聖誕?)唔記得,咁耐嘅事。」至於想不想與男友過聖誕?她說:「想就會想,但聖誕同多啲人過開心啲。二人世界平時拍拖都會,大節日同屋企人同朋友過熱鬧啲、好玩啲,食嘢都食多啲。(同城城打邊爐?)可能轉吓新花款。」

姚予晴等男友求婚

再追問她可會與城城回家鄉南京過聖誕,她說:「太凍啦!我都驚返去,考慮叫屋企人嚟香港。(城城見過你父母未?)未見過,不過父母喺電視上見過城城。(你見過城城家人未?)暫時冇咁嘅需要,唔好諗咁遠。(佢唔係你真命天子咩?)唔好咁問,好難答。」同場的姚予晴(Mikki)表示已與男友Sunny度過第八、九個聖誕,視他為結婚對象,只等男友求婚。

名人組