汪明荃作為鎮台之寶，除了整晚不停口講「Good Show」外，更身體力行晒Good「鬚」！抽獎環節中，當阿姐揭曉得獎名字時，鏡頭Close Up見到其腋毛，「海膽」乍現，即時引起網友在討論區激烈討論，有人留言：「依家打緊邊爐，真係唔開胃！」又有網友說：「加髮菜啦！」亦有人留言寸阿姐獻「毛」賀台慶，甚至拉埋鄭裕玲（嘟嘟）落水：「嘟嘟同阿姐都係『至八會』，咁都唔提阿姐，真係唔話得！」
女藝人個個行頭十足，首飾珠寶閃閃生光，其中阿姐兩套由蕭邦贊助的鑽飾，由於共值3,700萬港元，故保安嚴密，要由裝甲車運入電視城，非常誇張！而關菊英性感谷胸，身上超過500萬元的綠寶石首飾，由英皇鐘錶珠寶贊助，鍾嘉欣亦獲英皇珠寶贊助150萬鑽飾；郭羨妮亦有800萬元鑽飾，而佘詩曼亦獲600萬元首飾贊助。
