羅拔柏迪臣和姬絲汀史釗活因拍攝《吸血新世紀2新月傳奇》而傳出緋聞，卻一直否認戀情。上周五他們不避嫌與其他演員包括大隻仔Taylor Lautner、Ashley Greene及Kellan Lutz等，在洛杉磯一間商場出席大型宣傳活動，吸引數百名Fans圍觀尖叫歡呼。

姬絲汀在活動上繼續否認戀情：「小報報道擺明係假，好似套肥皂劇，我係其中一角。不過影響唔到我，對呢類新聞有晒經驗。」但提到揀哪個拍檔做老公時，她則忍不住讚羅拔：「佢好心思縝密，分析力強同好有頭腦；Taylor就係個好可靠嘅好人，兩個都會係好老公，我唔會答你揀邊個，費事煩到我。」

自嘲擺脫頭皮

而多次被指頭髮油淋淋的羅拔，日前自嘲已擺脫頭皮，更讓主持人摸頭。識得自彈自唱的他表示不曾用歌冧女，又指自己並不浪漫：「我諗唔到我做過咩浪漫嘢，最多只係我十四歲時曾經偷偷地放支花落人哋儲物櫃。」當問到緋聞時，他繼續拒絕回應，並說：「我哋全劇組都唔會睇失實嘅小報，有次佢哋話我喺紐約吸食過量海洛英，嚇親我媽咪。」

而近日被拍得與歌手Taylor Swift約會的Taylor Lautner，受訪時亦大耍太極：「你哋已經留意住我嘅一舉一動，所以我可以留番畀你哋判斷啦！」他亦提到為了練大隻，每兩小時便要進食含蛋白質的東西，感覺並不好受。