向來牙尖嘴利嘅林海峰（Jan），一向畀人「寸寸貢」嘅感覺，不過已為人父嘅佢，講到太太彭羚同兩位愛女時都一臉溫柔，好似日前Jan出席校園抗毒活動，佢就向小小So自爆同太太軟硬兼施教女！
小小So：毒品入侵校園，有冇教個女唔好掂毒品？
Jan：佢哋都知呢啲事，亦有教佢哋遇到咩都同父母講，但傾心事都係搵媽咪多啲！
小小So：點樣灌輸禁毒常識？
Jan：我會從玩樂中慢慢教佢哋，我同太太一個做「軟」、一個做「硬」，不過我哋喺兩個女心目中，暫時未能取代到電視同電腦，佢哋好多時都唔多睬我哋！
小小So：有咩教女心得？
Jan：咁要問我太太，佢喺我心目中係專業，如果佢教個女時有問題解決唔到，佢會睇參考書，第二日就K.O咗個問題喇！