已是三子之母的「潮媽」劉美君，天生眼大鼻高而且輪廓分明，加上多年來保養得宜，令不少女士羨慕，但她自爆年少時曾不小心撞歪鼻骨，她說：「我記得20幾歲 時同朋友去沙灘玩，唔知點解突然之間暈一暈，成個人垂直咁仆咗落地，畀沙灘上面啲石頭仔整親鼻樑，流咗好多血，自此之後個鼻骨就歪咗喇！咁多年嚟雖然有好多朋友叫我去整番，不過我知道個過程好恐怖，所以始終都唔夠膽去整。（有冇影響呼吸？）咁又唔多覺，冇咩特別問題。（怕唔怕影響運程？）咁我都退隱咗十幾年，當時唔係行鼻運，咁我都唔覺有咩影響，反而近年有相士讚我個鼻頭生得靚添！所以唔係好擔心。」