昨晚，羅嘉良、江若琳、王秀琳、姚佳雯及陳莎等出席《澳雪HD漢方仙草去屑洗髮露》新產品發布會暨晚宴，身為代言人的嘉良透露，品牌老闆視他如兄弟，故酬勞非常滿意，亦不諱言若他日有廣告適合，不介意與太太夫妻檔上陣。

江若琳睇好米雪奪獎

將於下月12日在北京擺喜酒的嘉良，透露已廣邀圈中好友赴會，劇集《富貴門》演員呂良偉、薛家燕及馬德鐘亦會北上飲宴，劇中飾演其弟的馬國明則充當伴郎，嘉良表示當日邀請家燕姐時，對方表示一星期後才能回覆，幸對方仍答允出席，後來得知家燕姐推掉一個20萬元酬勞的工作才能赴會：「佢同我講係因為要做東華，後來可以錄影先去到！（家燕姐好厚禮？）係呀！其實佢嚟已經係禮物，袁詠儀有事去唔到，宣萱就冇時間問，我好想個仔去，不過佢要返學！」

姚佳雯（左）及陳莎盛裝赴會，明艷照人。	獲提名台慶「最佳女配角」的江若琳，睇好米雪奪獎。	王秀琳雖然是非纏身，但仍心情靚爆出席活動。

活動上見嘉良左手戴上婚戒，問到求婚戒指有多少卡時，他笑說：「冇計！都有鑽石咁囉！16號我生日嗰日就同老婆返山東濟南娘家食飯。」而同場擔任嘉賓的江若琳，有份角逐今年台慶頒獎禮的「最佳女配角」，她笑言毫無信心，反而睇好米雪，雖然如此，但頒獎禮當晚她亦會打扮靚靚赴會。 影視組