陳法拉昨日應邀出席信和集團旗下的《黃金海岸音樂節》開幕禮，身為香港代表的她，與來自巴西及日本等地的音樂人交流。從未出過唱片的法拉為免丟架，早上特意找歌唱老師練習開聲，更即席獻唱三首歌曲，獲觀眾拍手附和，場面熱鬧。談到不少無綫藝員進軍樂壇，她說：「我自細都有學唱歌，但暫時對演戲比較有興趣，況且我對唱歌有要求，所以要搵到同我啱方向嘅唱片公司先會合作！」

巴西音樂人與日本敲擊樂師增永紅實(右圖左)同台獻技。	放大圖片	法拉（中）與信和物業管理有限公司（商場推廣）總經理蘇蔡潔蓮（左）推廣音樂節。

視演戲為終身職業

她又表示有感在演戲方面還有進步空間，更視之為「正職」及「終身職業」，故不急於圓歌星夢：「其實喺外國，好少演員同時兼任歌手，我想專注啲喺演戲方面囉！況且演技嘅嘢要學係永無止境嘅！」話雖如此，由於其緋聞男友薛世恒乃Neway太子爺，問到若時機成熟，會否優先選擇簽約對方旗下，法拉說：「如果真係出碟，我間間公司都會公平咁考慮！唔想焦點擺喺緋聞上面，我想人哋睇到我喺唱歌方面嘅實力！」