不少o靚模被踢爆愛「黐」富豪明星，味之天使「賓治」陳宛蔚（Calinda）日前便相約莊思敏的有米弟弟Charles行街！
據知，身高6呎的Charles長居於馬來西亞，為拿督父親打理地產生意。他先帶Calinda掃特賣店，買下一件數十元的T恤後即往洗手間更換，再轉戰波鞋舖，全程傍到實的Calinda則細心地為他度身及抹汗。
記者上前問他們是否拍拖，Charles說：「唔係，我返香港參加妹妹（Mona、Lisa）嘅畢業禮。（家姐憎o靚模？）Calinda仲係o靚模？我哋識咗好耐，朋友啫！」至於莊思敏亦在電話中澄清：「細佬喺吉隆坡有女朋友，兩個家庭好熟，佢哋讀書時已經識，Calinda盡地主之誼啫！（去特賣場買嘢？）係呀！細佬搵到錢都好慳！」