傅穎（Theresa）的「開工袋」內，必備打底衫、高踭鞋及化妝袋等，猶如一個百寶袋，近日轉投星皓的她，直言工作量增加了不少：「呢排要做好多訪問，又多咗啲公開活動，每日都帶定好多衫、鞋方便替換，見到咁多嘢做都開心。」
最令Theresa非帶不可的，正是其好友陳文媛（BoBo）為她設計的Bling Bling iPod，前面是閃石，背面則貼上超閃甜筒圖案，十分搶眼，令Theresa愛不釋手：「BoBo一開舖我就帶咗好多嘢去貼石，整過一條Hello Kitty頸鏈，呢個雪糕圖案好Colourful，見到都想食，依家次次帶出街都有朋友讚靚。」
