阿佘於97年參選港姐膺季軍,入行第一套作品是《生命有take2》,12年間演過無數角色,從一個不懂做戲的人,到成為視后,的確付出不少。
《雪山飛狐》苗若蘭
「呢套係我第一套古裝戲,個角色同我當時一樣,都係一張白紙乜都唔識,畀人話我雞仔聲,我就開始苦練讀對白!」
《十月初五的月光》 祝君好
「呢個角色改變咗我,畀人知道原來佘詩曼係識演戲,係我人生嘅轉捩點,呢個角色仲為我人生攞咗第一個演藝獎項。」
《宮心計》 劉三好
「三好係一個好人角色,要將佢演得立體同人性化係好難,所以我喺好多Detail(細緻)位都做到好仔細!」