樂基兒（Gaile）昨日出席《Canon全港精靈BB選舉大賽頒獎禮》，場內有不少得意可愛的BB，Gaile情不自禁與他們打成一片，不時抱起BB影相，當她左右手抱着一對孖胎合照時，BB不斷郁動，又摸她的面，令Gaile不知所措，但事後她仍大讚BB可愛，就算將來生Twins也冇所謂，她說：「冇所謂！健康就得，但下年工作已排得好密，暫時未有生BB計劃，如果有BB就要用多啲時間照顧，所以遲啲先。」

樂基兒與小朋友合照，母愛洋溢。

樂基兒令BB當眾露臍，場面搞笑。

至於生BB後會否做全職家庭主婦，她說：「唔一定，但都要停一排先。（唔捨得做模特兒？）唔會！我做咗好耐，總括嚟講都好成功，就算唔捨得都已經好開心。（學外國人用人工方法生Twins？）唔會，始終都係天然好啲，呢啲睇天安排。」

唔使黎明減肥

早前Gaile表示今年已停工不行騷，所以暫時不用減肥，但昨日她又突然表示正努力減肥中，她說：「我唔記得年底仲有騷要行，所以要減番九磅！」最近她與老公黎明雙雙發福，問到黎明會否跟她一齊減肥？她說：「佢唔使行騷，唔需要減！」