即將投入拍攝吳宇森的新片《劍雨江湖》的余文樂，與楊紫瓊和徐熙媛（大S）合作，昨日他抽空出席「:CHOCOOLATE3周年× A Bathing Ape」推出限量版T恤發售活動，還與Nigo為抽獎幸運兒一同印製T恤，可惜阿樂印製失敗，十分尷尬。他大吐苦水說：「新戲有打鬥場面，雖然打得勁，但最辛苦都係黐頭套，因為我好易敏感，依家成個額頭黐到生粒粒。（剃光頭？）我已經盡剃，但因為仲要拍另一套戲，所以唔可以剃晒！（戲接戲咪好賺？）託賴啦！（有冇拖拍？）我都想拍拖呀！」
對於郭富城拒認緋聞女友王秀琳時，他表示不知情：「我啱啱喺上海返嚟！（熊黛林又闖城？）唔知，我未見過熊黛林。（有冇同城城慶祝生日？）我病咗，只係打電話畀佢。」