江若琳（Elanne）、羽翹、范萱蔚、藍奕邦、葉文輝及Square等昨日出席《沙田單車節2009啟動日》，Elanne透露沙田是父母的拍拖勝地：「佢哋拍拖係踩一前一後嘅單車，第日我都會捉男友一齊踩。」問到是否找到另一半？Elanne酸溜溜地說：「未呀！都幾Dry，冇辦法啦！門一直都打開，不過冇人敲同入嚟。（要求高？）只要對我好，正正經經，有一樣嘢令我欣賞就得。」

問到與緋聞男友周柏豪的戀情是否穩定？Elanne即澄清對方只是好朋友，她說：「擦嚟擦去都擦唔到愛火。」並衝口而出說：「佢冇乜情趣！」對於好友賈曉晨大方承認與日籍攝影師拍拖，Elanne坦言有看報道：「不過唔會過問人哋啲嘢。」即將推出新碟的她透露今次賣大包：「有埋寫真呀！（倒奶相？）冇嘢可以倒啦！」

江若琳嫌周柏豪冇情趣，故沒有發展成情侶。 資料圖片

江若琳被Fans包圍索合照。

羽翹同男仔共浴

此外，羽翹被問到早前被本報拍得與男伴拍拖揀胸圍？她說：「佢係我幼稚園同學，佢幫我揀衫，當時大家研究緊點解個胸圍可以厚成咁。（尷尬？）少少啦！」她更透露曾與對方一齊沖涼：「大家都喺長洲長大，讀幼稚園時一齊瞓覺，上游水堂仲好似一齊沖涼添！」