今屆視后爭持激烈，被外間視為黑馬的袁詠儀前晚出席公開活動時坦言不介意並非大熱，力讚大熱門鄧萃雯的演技：「鄧萃雯喺《金枝慾孽》時就應該攞（視后）啦！佢今次係再上高峰，如果同『柴九』黎耀祥一齊攞就雙喜臨門！」而無緣爭視后的陳法拉昨日在另一活動上亦表示支持雯女，但否認自己於頒獎禮中「陪跑」，她說：「其實《有營煮婦》都有好多觀眾睇！（想拎邊個獎？）『我最喜愛的女角色』，因為拎過『最佳女配角』！（謝雪心氣勢勁！）我都有睇，心姐做得好好。」法拉坦言希望明年可「升呢」競逐視后。至於「四大皆空」的薛家燕則睇好《富貴門》能奪獎而回，又指袁詠儀與戚美珍在劇中演得很好。
