周麗淇（Niki）前晚出席活動時被問到視帝、后心水，她直言沒有看過由情敵佘詩曼主演的《宮心計》，擺明不放對方在眼內：「好似雯女呼聲最高，我之前都有睇過佢套《金枝慾孽》！（呢套都有阿佘做㗎喎！覺得佢哋演技點？）各有各好啦！（《宮心計》呢？）冇睇呀！（驚睇咗唔開心？）唔係，冇咁嘅必要！」當被問到會否介意與阿佘合作？Niki即閂定後門說：「睇吓有冇咁嘅機會啦！（由戲外鬥到戲內？）唔會！我一年先拍一套戲，我諗呢個機會唔係咁大。總之希望同啲未合作過嘅人合作，帶畀觀眾新鮮感。（鄭嘉穎？）合作過太多次，唔好喇！」