處女下海拍攝古裝劇的關菊英，在台慶劇《宮心計》中飾演阮翠雲一角，菊姐坦言《宮》劇是她從影以來最有難度的一套劇集，當中被嚴刑拷打的場面更令她相當難忘。首次拍古裝的菊姐表示，起初擔心造型不似古代人，更大呻古裝劇的對白難度甚高：「我向來講對白都好快，今次啲對白都好難，全部都文縐縐，要一味死背，所以挑戰好大！（有咩難忘鏡頭？）最難忘係拍畀人夾手指同埋畀人打Pat Pat嗰幕，夾手指係真夾，而拍打Pat Pat嗰日就好熱，拍嘅時候好多蚊，所以真係幾辛苦！」

首次拍古裝劇的菊姐，坦言最難是記文縐縐的對白。

菊姐（右）及楊怡有不少對手戲。 資料圖片

望收視贏《大長今》

此外，菊姐在《宮》劇中與佘詩曼、米雪及楊怡有不少對手戲，而米雪及楊怡已是第三度合作，令她感到分外有默契，她說：「我上次喺《家好圓月》已經要打楊怡，今次就要掌佢個嘴，起初借位拍，但係效果唔好，搞到NG咗幾次，之後楊怡叫我唔好就住，要真打，我真係打到佢個嘴腫咗！佢成日都畀我打，真係好慘！」而菊姐更揚言希望《宮》劇的收視能突破韓劇《大長今》。