今年37歲的Dino，與30歲女友Nancy Wong的4年情修成正果，將於本月15日假數碼港的酒樓舉行註冊儀式及擺酒，近日Dino已廣發囍帖，封面是一對新人的古裝公仔Look！拍攝當日，準新人還帶同10個月大的唐狗「一家三口」影全家福，溫馨滿瀉！

Dino與Nancy擺了不少甫士，溫馨滿瀉。	Dino為Nancy彈結他，恨死隔籬！	囍帖由Nancy設計，相當獨特。

Dino接受本報訪問時雀躍地說：「張囍帖由女友設計，用咗一日完成，我好滿意，好欣賞佢！佢平時做嘢好大壓力，不過設計囍帖就好輕鬆！」至於反傳統着便服影婚照，有意大利血統的Dino解釋：「意大利人唔興，新娘婚前唔會着婚紗畀新郎睇，所以我哋唔會影婚紗相！今次有婚紗公司贊助，先影一輯生活相。」

情歌贈「老婆」

婚禮當日，Dino將於早上8時半接新娘，晚上在酒樓註冊兼擺酒，廣邀bma老闆羅傑承伉儷及旗下歌手，以及許懷欣和盧巧音等。Dino說：「本來想搵黃貫中做兄弟，不過佢要做騷嚟唔到。」當晚他可能會唱寫給「老婆」的結婚歌，給她一個驚喜！